مل گیا تاج شھادت ممتاز کو
ھے سلام تا قیامت ممتاز کو
نوری چہرےسےھواھےخودعیاں
پنجتن کی ھے حمایت ممتاز کو
آخری کلام میں ھے پڑھا سلام
اھلیبت سے ھےچاھت ممتاز کو
طیب وطاھر کا بھی جانا دیکھو
ھے ملی نوری برسات ممتاز کو
حارث ھے طالب ھرعاشق رسول
مل گئی خوب سعادت ممتاز کو
محمد سلیم شاد
قلم تلوار...قاری نوید مسعود ہاشمی (شمارہ 534)
اچھا ہوا غازی ممتازقادری کو پھانسی دیکر جام شہادت پلا دیاگیا۔۔۔ غازی ممتاز قادری تو پہلے دن سے ہی شہادت کا متلاشی تھا، اس نے تو اپنے وکلاء کو مقدمے کی پیروی سے بھی منع کرنے کی کوشش کی تھی، اس نے اپنے گھر والوں کو بھی کئی بار کہاتھا کہ ’’محبتِ رسولﷺ سے بڑھ کر مجھے زندگی پیاری نہیں ہے، بلکہ میں تو شہادرت کاجام نوش کر کے اس نبی محترمﷺکی محفل میں پہنچنا چاہتا ہوں، جس نبی محتشمﷺ کی عزت و حرمت کی خاطر میں نے ایک گستاخ رسولﷺ کا قتل کیا تھا‘‘۔۔۔
دیوانہ ختم نبوت قاری وحید قاسمی کا منگل کی صبح فون آیا، فون اٹینڈ کیا تو قاری وحید قاسمی نے بڑے جذباتی انداز میں کہا کہ ہاشمی صاحب! مبارک ہو، غازی ممتاز قادری کو پھانسی دیکر کر شہید کر دیا‘‘ خیر مبارک۔۔۔ بے ساختہ میرے منہ سے نکلا، وہ تو سچا عاشق رسول تھا اور غازی علم دین شہید سے لیکر غازی ممتاز قادری شہید تک عشاق رسول کی تاریخ پھانسیوں سے ہی عبارت ہے، اور ویسے بھی ہمارے حکمران’’شریف برادران‘‘ پاکستان کو سیکولر بنانے کے مشن پر نکل کھڑے ہوئے ہیں، سیکولر پاکستان کی ضرورت شرمین عبید، ملالہ یوسفزئی تو ہیں۔۔۔سیکولر پاکستان میں بیویاں اپنے شوہروں کو نہ صرف گھروں سے دھکے دیکر نکال سکیں گی، بلکہ ان کے خلاف مقدمات بھی قائم کرواسکیں گی، سیکولر پاکستان میں مسجدوں کے اسپیکروں پر پابندی ہو گی، مگر رقص و سرود اور ناچ گانے والوں کیلئے پروٹوکول ہوگا، لیکن’’شریف برادران‘‘ کے سیکولر پاکستان میں غازی ممتاز قادری کا زندہ رہنا ناممکن تھا، آسیہ مسیح کہ جس پر توہین رسالت کا ارتکاب ثابت ہوا اور تمام گواہوں اور ثبوتوں کی روشنی میں عدالت نے اسے پھانسی کی سزا دی۔۔۔ مگر وہ چونکہ یورپ اور امریکہ کو پیاری ہے، اس لئے اسے پھانسی نہیں ہو سکتی، پاکستان میں فحاشی و عریانی، بے حیائی، کرپشن، لوٹ مار، اور انتشار پھیلانے والوں کو پھانسی توبہت دور کی بات گرفتار بھی نہیں کیا جا سکتا، سلمان تاثیر نے چونکہ قانون توہین رسالت کا مذاق اڑایا تھا، سلمان تاثیر نے چونکہ ایک گستاخ رسول آسیہ مسیح کے حق میں کمپین چلائی تھی، سلمان تاثیر چونکہ برطانیہ اور یورپی یونین کافرستادہ تھا، اس لئے اس کے قاتل کوتو سزا ملنی ہی چاہئے تھی، پاکستان کو سیکولر بنانے کیلئے شرمین عبید کو ہیرو بنانا اور غازی ممتاز قادری کو پھانسی پر چڑھانا ضروری تھا۔۔۔
غازی ممتاز قادری کا بریلوی مسلک سے تعلق تھا، اور وہ اپنے ہی مسلک کے ایک خطیب کی تقریر سے متاثر تھے، مگر میں بڑی معذرت کے ساتھ یہ بات لکھنے پر مجبور ہوں کہ آپس کی نا اتفاقیوں اور فرقہ وارانہ دوریوں کی وجہ سے علمائ، غازی ممتاز قادری کیلئے کوئی مؤثر کمپیئن نہ چلا سکے، پورا پاکستان اس بات کا گواہ ہے کہ گزشتہ سال ایک اینکرنی شائشہ واحدی، وینا ملک اور ایک اخباری گروپ کے سربراہ کے خلاف ملک بھر میں توہین اہل بیتؓ کے سینکڑوں مقدمات درج ہوئے۔۔۔ پورے ملک میں اہل بیت اطہار کی گستاخی اور توہین کی وجہ سے ان کیخلاف جلوس نکلے، مگر سینکڑوں مقدمات درج ہونے کے باوجود ان میں سے کسی ایک کو بھی گرفتار نہ کیا گیا۔۔۔
بلکہ وہ میڈیا گروپ نواز حکومت کی گڈ بک میں ہے۔۔۔ وزیراعظم ہاؤس میں محترمہ مریم نواز کی زیر قیادت بننے والے میڈیا سیل کا اگر کوئی ترجمان اس بات کا جواب دے سکتا ہے تو ضرور دے کہ میر شکیل الرحمن، وینا ملک اور ایک اینکرنی کے خلاف توہین اہل بیتؓ کے الزامات کے تحت درج ہونے والے سینکڑوں مقدمات کا کیا بنا؟ انہیں گرفتار کیوں نہ کیا گیا؟ گستاخ رسول آسیہ مسیح کو اب تک پھانسی کیوں نہ دی گئی؟ افسوس تو ان مولویوں جو فروعی مسائل پر جنگ و جدل میں مشغول رہتے ہیں۔۔۔ اور امریکہ نے ان کی فرقہ وارانہ کشیدگی والے مائینڈ سیٹ سے فائدہ اٹھاتے ہوئے پوری قوم پر ’’سیکولر لادینیت‘‘ کا جن مسلط کرنے کا فیصلہ کر لیا۔۔۔
ہم بھی کیا لوگ ہیں، اگر کوئی رائے ونڈ تبلیغی جماعت کے اجتماع میں دعا کیلئے یا داتادربار پر چادر چڑھانے کیلئے چلا جائے تو ہم اسے اسلام کا سچا خادم سمجھ کر اس کے دیوانے ہو جاتے ہیں، جب تک بریلوی، دیوبندی اور دیگر مسالک کے علماء کرام آپس کی نفرتوں اور کدورتوں کو ختم کر کے۔۔۔ پاکستان میں نفاذ اسلام کیلئے ایک پر امن اورجاندار تحریک شروع نہیں کرتے اس وقت تک عشاق رسول کو پھانسیاں ہوتی رہیں گی، کیا بریلوی، دیوبندی، اہلحدیث علماء دیکھ نہیں رہے کہ حکمران پاکستان کو زبردستی سیکولر بنانے پر تل چکے ہیں؟ اگر دیکھ رہے ہیں تو انہیں انتظار کس بات کا ہے؟ آپس کی نفرتیں ختم کر کے اسلام کے نفاذ کے مشن کیلئے اتفاق و اتحاد کے ساتھ تحریک شروع کیوں نہیں کرتے؟ اگر دجالی میڈیا اور حکومتی ڈنڈے کے زور پر سیکولر لادینیت کو مسلط کرنا دہشت گردی نہیں ہے؟ تو پر امن طور پر لاکھوں کی تعداد میں نفاذ اسلام کی حمایت میںلوگوں کو سڑکوںپر نکالنا دہشت گردی یا جرم کیسے ہو گیا؟
میری بدنصیبی کہ میں کراچی میں ہونے کی وجہ سے شہید غازی ممتاز قادری کا جنازہ پڑھنے سے محروم رہ گیا، ورنہ اگر میں راولپنڈی میں ہوتا تو اس نیت سے کہ ممکن ہے شہید کے جنارے میں شرکت کی بدولت مجھ گنہگار کی بھی بخشش ہو جاتی اس کے جنارے میں ضرور شریک ہوتا۔۔۔
’’خدا رحمت کندایں عاشقان پاک طینت را‘‘
ام شہریوں نے پٹرول قیمتوں میں کمی کا لولی پاپ مسترد کر دیا. ممتاز قادری کی پھانسی ک تلخی کم نہ ہو سکی.اٹک کی فضا سوگوار رہی ملک بھر کی طرح اٹک اور حضرو میں عاشق رسول ﷺ ممتاز قادری شہید کو پھانسی دینے کے خلاف احتجاجی ریلی و سخت مظاہرہ ، ممتاز قادری کے حق میں جبکہ حکومت کے خلاف گو نواز گو ، صدر ممنون مردہ باد، حکمران مردہ باد اور نفرت انگیز نعرے بازی، علماء کرام کی آئندہ کبھی مسلم لیگ (ن)، پیپلز پارٹی کو ووٹ نہ دینے کی قسم ، آئندہ نون لیگی امیدوار کے بائیکاٹ کا اعلان، حقوق نسواں بل شریعت سے بغاوت ہے، پاکستان آزاد ہو کر بھی انگریز کے قانون پر چل رہا ہے، حکمران انگریز کی غلامی ترک کر یں ورنہ نتائج کیلئے تیار رہیں، ملعونہ آسیہ مسیح اور تمام گستاخان رسول کو بھی فی الفور پھانسی دی جائے، اداکاروں کو ایوارڈز جبکہ عاشقان رسول ﷺ کو سزائے موت دی جا رہی ہے ، احتجاجی مظاہرہ سے مناظر اہلسنت مفتی قاری اظہر محمود اظہری ، سرپرست اعلیٰ مرکزی میلاد کمیٹی علامہ حافظ اکرام الحق ، علامہ ناصر خان و دیگر مقررین کا خطاب ، تفصیلات کے مطابق ملک بھر کی طرح حضرو میں بھی عاشق رسول ﷺ ممتاز قادری شہید کو پھانسی دینے کے خلاف ریلی نکالی اور شدید احتجاج کیا ، ممتاز علماء کرام مفتی علامہ قاری اظہر محمود اظہری، علامہ حافظ اکرام الحق ، مفتی علامہ محمد صدیق، علامہ ناصر خان ، صدر سنی تحریک تحصیل حضرو حافظ لیاقت علی شاہ ، صدر مرکزی میلاد کمیٹی وقار خان ، صحافی نثار علی خان، رہنما جے یو پی حاجی عارف حسین، حاجی شفیق آرائیں، مولانا قمر اسلام، مفتی زاہد الحسن، ماسٹر علی اصغر ، وائس چیئرمین یو سی خگوانی ملک آفتاب ، جے یو آئی (ف) یو سی ہارون کے رہنما واجد علی ، ڈاکٹر نعیم اعوان اوردیگر نے قیادت و شرکت کی بعد ازاں فوارہ چوک میں بھر پور احتجاجی مظاہرہ کیا گیا جس میں وزیر اعظم میاں نواز شریف، وزیر اعلیٰ شہباز شریف، وزیر داخلہ چوہدری نثار علی خان سمیت حکمرانوں پر کڑی تنقید کی گئی اس موقع پر مناظر اہلسنت قاری اظہر محمود اظہری ، علامہ حافظ اکرام الحق ، علامہ ناصر خان ،لیاقت علی شاہ، حاجی عارف حسین اور تمام علماء کرام نے اپنے اپنے خطاب میں شہید ممتاز قادری کے اقدام پر انہیں خراج عقیدت پیش کیا جبکہ حکمرانوں اور پی پی پی کے خلاف اپنی نفرت کا اظہار کرتے ہوئے آئندہ کبھی مسلم لیگ (ن)، پیپلز پارٹی کو ووٹ نہ دسینے کا حلف دیتے ہوئے شرکاء سے وعدہ لیا اور اعلان کیا کہ نون لیگی امیدوار کے مقابلے میں کتے کو ووٹ د یں گے، مقررین نے کہا کہ پاکستان آزاد ہو کر بھی انگریز کے قانون پر چل رہا ہے، حکمران انگریز کی غلامی ترک کر یں ورنہ نتائج کیلئے تیار رہیں اس موقع پر شرکاء نے گو نواز گو ، انگریز کا جو یار ہے وہ غدار ہے غدار ہے اور سخت نعرے بازی کی
پاکستان عوامی تحریک کے سربراہ اور معروف مذہبی سکالر ڈاکٹر طاہر القادری نے ممتاز قادری کی پھانسی کی حمایت کر دی ہے۔ تفصیلات کے مطابق طاہرالقادری کا کہناتھا کہ اگر سلمان تاثیر کی جانب سے کچھ غلط کہہ دیا جانا ثابت ہو جاتا تو اس صورت میں کسی کو بھی قانون اپنے ہاتھ میں لے کر کسی کو قتل کرنے کا اختیار اسلام دیتاہے نہ ہی پاکستان کا قانون اور آئین ،ممتاز قادری نے قانون کو اپنے ہاتھ میں لے کر سابق گورنر پنجاب کا قتل کیا لہذا اس صورت میں وہ ایک قاتل ہے اور پھانسی کی سزا بالکل درست ہے ۔
سابق گورنر پنجاب سلمان تاثیر کے قتل کے جرم میں ممتاز قادری کو گزشتہ روز اڈیالہ جیل راولپنڈی میں پھانسی دے دی گئی تھی۔ اس حوالے سے ڈاکٹر طاہر القادری نے ممتاز قادری کی پھانسی کی سزا کی حمایت کی ہے۔
